ৰহস্যৰে ভৰা এহাল দম্পতীৰ কলংকিত অধ্যায়:

( কোন হব পাৰে হত্যাকাৰী ! আহক আজি জানি লওঁক )

- ক' বুলি কৈছো |

- সেইজন ৰঞ্জন শইকীয়া  |

- হোৱাট,,,,,,

- হয় ছাৰ |

- হাজৰিকা ইয়াক লকআপত ভৰাই থওঁক | আৰু ৰঞ্জন শইকীয়াক অতি সোণকালে থানালৈ লৈ আনক |

- হব ছাৰ |

           

চিপাহীয়ে মোহনক লক আপৰ ভিতৰত সোমাই থলে | মোহনে নিজৰ ভুল বুজি পালে | যে সামন্য মদ এটুপিৰ কাৰনে সি আজি জীৱনত কিমান ডাঙৰ ভুল কৰিলে | টকাই মানুহক পাগল কৰে,টকাই মানুহৰ জীৱন ধংস কৰে,কেতিয়াবাই টকাই মানুহৰ মৃত্যু মাতে |

চিপাহীয়ে ৰঞ্জন শইকীয়াক সকলোতে বিচাৰিলে ,কিন্তু ক'তো বিচাৰি নাপালে | এতিয়া ৰঞ্জন ৰ মোবাইল অফ | ইতিমধ্যে সকলো থানাতে খৱৰ দিয়া হ'ল ৰঞ্জনক দেখাৰ লগে লগে যাতে গ্রেপ্তাৰ কৰা হয় | থানালৈ ৰিয়ানক মাতি পঠোৱা হ'ল | আৰু সি আহিলে |

- ৰিয়ান কল্যানী এতিয়া বিপদমুক্ত নে ?

অফিচাৰে ৰিয়ানক সুধিলে |

- হয় ছাৰ |

- আমি মোহনৰ মুখৰ পৰা গম পালো তোমাক অপৰাধী সজোৱাৰ বাবে মোহনক পইচাঁ দিছিলে ৰঞ্জন শইকীয়াই |

- কি !

ৰিয়ান আচৰিত হ'ল | ৰঞ্জনে তেনে কাম কৰিছে |

- নাই নাই ছাৰ সি তেনে হব নোৱাৰে | সি মোৰ ভাল বন্ধু ছাৰ | মোহনে মিছা কৈছে !

- নহয়,তুমি ভুল বুজিছা | আজিকালি বন্ধুৱে বিপদ মাতে |আৰু যদি ৰঞ্জন যদি অপৰাধী নহয় তেন্তে সি কিয় নিৰুদ্দেশ হ'ল ?

        হয় সি চাগে,,,,, নহ'লে সি নম্রতাৰ মৃতদেহৰ ওচৰৰ পৰা কিয় পলাই থাকিব | কিয় সি এবাৰ ৰিয়ানৰ খৱৰ লব থানাত নাহিলে ! নিশ্চয় ইয়াৰ মাজত ডাঙৰ ৰহস্য সোমাই আছে | 

ইতিমধ্যে দুদিন হৈ গ'ল আৰক্ষীয়ে ৰঞ্জনৰ কোনো শুং সূত্র উলিয়াব নোৱাৰিলে | আৰক্ষীয়ে চিন্তা কৰিলে | যদিহে নম্রতাৰ পেটত থকা সন্তানৰ পিতৃ কোন উলিয়াব পৰা যায় ! তেতিয়া হ'লে নিশ্চয় হত্যাকাৰী ও ধৰা পৰিব |

- ৰিয়ান তোমাৰ ওচৰত কিবা প্রমান আছে নেকি ! নম্রতাৰ গৰ্ভৰ সন্তান কাৰ হব পাৰে |

কিছু সময় চিন্তাত বিভোৰ হৈ ৰিয়ানে উত্তৰ দিছিলে|

- ছাৰ ,মই নম্রতাক এটা নতুন মোবাইল দিছিলো | তাত মই সকলো ৰেকৰ্ডিং কৰি থৈছিলো | কিন্তু নম্রতা জ্ঞাত নাছিলে | আৰু মই সেই ৰেকৰ্ডিং ৰ পৰা গম পাইছিলো যে নম্রতা গৰ্ভৱতী আছিলে |

- বঢ়িয়া , নিশ্চয় এইবাৰ আমি সফল হম | তুমি অতিশিঘ্রে আমাক মোবাইলটো দিয়া | আৰু আমি নম্রতাৰ লগত কথা পতা ছিম খন কাৰ বিচাৰি উলিয়াম |

ৰিয়ানে আৰক্ষীৰ হাতত মোবাইলটো দি দিলে | আৰু আৰক্ষীয়ে মোবাইল ৰ ছিম গৰাকী পৰিচয় বিচৰাত লাগিল |

           ৰিয়ানে আজি অকমান অকলসৰে বহিছে ! অতীতৰ কথাবোৰে তাক বৰকৈ আমনি কৰিছে | ৰঞ্জন তাৰ ভাল বন্ধু আছিলে,শৈশৱৰ পৰাই সিহতে একেলগে খেলিছিল | একেলগে পঢ়িছিল | কিন্তু সি আজি তাৰ লগত কিয় এনেকুৱা কৰিলে ? তাৰ উদ্দেশ্য কি আছিলে ? নে সি নম্রতাক ভাল পাইছিলে ! কিন্তু সি ইমান স্বাৰ্থপৰ হ'ল এখন ঘৰৰ চাৰিটা মানুহৰ জীৱন ধংস কৰিলে | পাৰ্থক্য ইমানে মাত্র তাৰে দুজনৰ মৃত্যু হ'ল আৰু দুজন মৰি মৰি জীয়াই আছে | 

       

আজি কল্যানীক মেডিকেলৰ পৰা ৰিলিজ দিয়া হ'ল | মাক আৰু ৰিয়ানে কল্যানীক সিহতৰ ঘৰলৈ লৈ আনিলে |

- বৰ মা মই ঘৰলৈ যাম

কল্যানীয়ে ৰিয়ানৰ মাকক কৈছিলে |

- নালাগে মাজনী ! তই আমাৰ ঘৰতে থাকিবি |

- কিন্তু

- কোনো কিন্তু নাই,তুমি মাৰ লগত থাকিব লাগিব | তোমাৰ মদাহী দেউতাৰ ওচৰত তুমি আৰু যাৱ নালাগে | 

ৰিয়ানে কল্যানীক কৈছিল |

- ৰিয়ান দা তোমাৰ ন্যায় নিশ্চয় হব |

- সেয়া তোমাৰ কাৰনে সম্ভৱ হব |

তাই মিচিকিয়াই হাঁহিছিল |

            - মা তোমাক কথা এটা কব লাগিছিলে |

- কি কথা বাবা ?

- আচলতে আমাৰ লগত কোনোবাই বহুত ডাঙৰ বিশ্বাস ঘাটকতা কৰিছে |

- কোনে !

- ৰঞ্জনে মা |

- কি , হাৰে যিজন ল'ৰাক নাখাই খুৱাইছিলো,মোৰ দ্বিতীয় জন সন্তান ভাৱি তাক মৰম কৰিছিলো | সি আজি আমাৰ লগত ইমান ডাঙৰ খেল খেলিছে |

- তুমি চিন্তা নকৰিবা মা ইয়াৰ এদিন সুবিচাৰ হব মাত্র ধৈৰ্য্য ধৰা |

সি কথা খিনি কৈ ওলাই গৈছিলে |

                  বন্ধু মেলি দে তোৰ

                    দুখৰ দুখনি হাত

                   এবাৰ জপাই দে

                  তোৰ সহানুভুতিৰ হাত বন্ধু

- ৰিয়ান নাই আমি সেইটোত ও সফল নহ'লো |আমি গ'ম পালো যে যিখন চিমেৰে নম্রতাক ফোন কৰা হৈছিল সেইখন চিম নগাওঁ ৰ এজন ব্যক্তিৰ | তেখেতৰ মোবাইলটো হেৰাই ছিল |তোমাৰ ৰেকৰ্ডিং থকাৰ দুদিন আগতে তেখেতে থানাত জনাইছিল | কিন্তু চিম খন বন্ধ কৰোতে কিছু সময় লাগিছিল |

ৰিয়ানৰ মনটো আকৌ ভাগি পৰিলে | কি কৰা যায় বাৰু | অপৰাধী ধৰিবলৈ যেন কোনো ধৰনৰ প্রমানে নাই |

 - ছাৰ সোনকালে কিবা এটা কৰক |

- হব তুমি চিন্তা নকৰিবা |

অফিচাৰে থানালৈ নম্রতা বৰুৱাৰ পিতৃ আৰু ককায়েকক মাতি পঠালে |

        মানুহ জন দিনে দিনে ভাগি পৰিছিল | এজনী ছোৱালীৰ জীৱনটো ধংস হৈ গ'ল | কেনেকে সহ্য কৰিব বাৰু বাপেক হৈ |

- ছাৰ !

- হয় বহক |

- আমাক কিয় মাতিছিলে ছাৰ ?

নম্রতাৰ দেউতাকে অফিচাৰক সুধিছিলে |

- নম্রতা হত্যাকাণ্ড বহুত ডাঙৰ ৰহস্যৰ মাজত সোমাইছে | আমি বহুত চেষ্টা কৰি সফল হোৱা নাই |

- মই আপোনাক হাতজোৰ কৰিছো ছাৰ আপুনি অতিশিঘ্রে হত্যাকাৰীক বিচাৰি উলিয়াওঁক | বহুত কষ্ট ত আছো ছাৰ | ভাৱক ছোন এটা সন্তান ডাঙৰ কৰা কিমান কষ্ট | কিন্তু যেতিয়া সেই সন্তানক কোনোবাই ইমান সহজতে হত্যা কৰে কেনেকে সহ্য কৰো ছাৰ |

মানুহ জনে গামোছা খনৰে চকুপানী খিনি মছি ল'লে |

- আপুনি নাকান্দিব |  আপুনি মোক সহায় কৰিব লাগিৱ |

- নিশ্চয় কৰিম ছাৰ |

- প্রথমতে আমি নম্রতাৰ গৰ্ভৰ সন্তান কাৰ তাক বিচাৰিব লাগিব | তাৰ পিছত আমি হত্যাকাৰী বিচাৰি পাম |

- হব ছাৰ মই,মাত্র মোৰ ছোৱালী জনীৰ ন্যায় বিছাৰো |

- ৰিয়ানৰ ওপৰত আপোনাৰ সন্দেহ হয় নেকি ?

- নাই নাই ছাৰ ৰিয়ান তেনে ল'ৰা নহয়,সি নম্রতাক হত্যা কৰা নাই ছাৰ |

-  সঁচা কথা | আমি ৰিয়ানক থানাৰ পৰা মুকলি কৰি দি আমি প্রমান চাইছিলো | ভাৱিছিলো যদি হে সি অপৰাধী সি নিশ্চয় পলাৱ | আৰু যদি অপৰাধী নহয় আমাৰ কাষত থিয় দিব | আৰু সেয়াই হ'ল |এতিয়া আপুনি আমাক কওঁক নম্রতাৰ বিবাহৰ আগত কাৰোবাৰ লগত সম্পৰ্ক আছিলে নেকি ?

- আছিলে কিন্তু ছাৰ বিবাহৰ দুবছৰ আগতে সিহতৰ সম্পৰ্ক শেষ হৈছে |

- নাই নাই সম্পৰ্কৰ কথা আপুনি নুবুজিব গোপনে চলি থাকিব পাৰে সেই সম্পৰ্ক | প্রথম আমি তাক আনিব লাগিব | ল'ৰাজনৰ নাম ?

- মৃন্ময় |

- এতিয়া আপুনি যাৱ পাৰে বিচাৰিলে আকৌ আহিব লাগিব |

- ঠিক আছে আহো |

              মানুহ জন ওলাই গ'লগৈ | ডি.এন .এ টেষ্ট কৰাৰ পাছত সকলো তথ্য পোহৰলৈ আহিব | এটা হত্যা কিন্তু বহুত জটিলতা | ৰিয়ানৰ আঙুঠি মৃতদেহৰ কাষত কেনেকে ওলাল ? ৰঞ্জনে মোহনক কিয় পইচাঁ দিলে ৰিয়ানক হত্যাকাৰী সজাৱলৈ ? সেইদিনা খন নম্রতাই ৰিয়ানক কিয় ফোন কৰি মাতিলে ? নম্রতা আৰু ৰঞ্জনৰ কিবা সম্পৰ্ক আছিলে নেকি ! অফিচাৰ জনৰ মূৰত পাকঘূৰনি খালে বহুতো প্রশ্ন |

           ৰিয়ানে বহুদিনৰ মূৰত সিহতৰ কোঠাত সোমালে |সকলো বস্তু অপৰিপাতি হৈ পৰি আছিলে | এজনী ন-কইনাৰ ৰূপত যেতিয়া এজনী ছোৱালী শহুৰৰ ঘৰত আহে তেতিয়া মাক দেউতাকে মৰমত দি পঠাই যৌতুক খিনি | কিন্তু আজি নম্রতাৰ সকলো বোৰ সামগ্রী তেনেকে পৰি থাকিলে | বিচনা খন চাই চাই সি কান্দিলে | ফুলশয্যা নিশাত বৰ ধুনীয়াকৈ সজাইছিল সি বিচনা খন কিন্তু সেই নিশা হৈ পৰিল অভিশপ্ত ফুলশয্যা |

- ৰিয়ান দা

কল্যানীৰ মাত শুনি সি জলদি চকুৰ পানী খিনি মছি ল'লে |

- তুমি কান্দিছা ?

- নাই নাই ,কিয় কান্দিম মই |

- তুমি মোৰ পৰা লুকাব চেষ্টা কৰিছা ?

- হয়  কল্যানী ! মই কান্দিছো | জীৱনটোৰ সপোন বোৰ চূৰমাৰ হৈ গ'ল অ | এটা  বিশেষ দিন অভিশপ্ত হৈ পৰিল |তাই যদি অপবিত্র আছিলে কিয় মোৰ লগত বিয়াত বহিছিল |

- হব ,এয়া তোমাৰ কপালৰ লিখন |

        ৰিয়ান ঐ ৰিয়ান

বাহিৰত কাৰোবাৰ চিঞৰ শুনি সি ওলাই আহিল |

- হাৰে ৰাজু দা কি হ'ল 

- হত্যাকাৰী পাই গ'লো |

- কি ?"

- অ পাই গ'লো !

- কোন নম্রতাৰ হত্যাকাৰী ?

- সেয়া এজনী মহিলা |

- মহিলা ?

- অ মহিলা !!!

                                             

আগলৈ ....

প্ৰথমখণ্ড পঢ়িবলৈ এই লিংকত ক্লিক কৰক- https://www.smj24.in/2020/12/blog-post_789.html

দ্বিতীয় খণ্ড পঢ়িবলৈ এই লিংকত ক্লিক কৰক - https://www.smj24.in/2020/12/blog-post_504.html

তৃতীয় খণ্ড পঢ়িবলৈ এই লিংকত ক্লিক কৰক - https://www.smj24.in/2020/12/blog-post_491.html

চতুৰ্থ খণ্ড পঢ়িবলৈ এই লিংকত ক্লিক কৰক-

https://www.smj24.in/2020/12/blog-post_986.html

পঞ্চম খণ্ড পঢ়িবলৈ এই লিংকত ক্লিক কৰক-

https://www.smj24.in/2020/12/blog-post_557.html

ষষ্ঠ খণ্ড পঢ়িবলৈ এই লিংকত ক্লিক কৰক-

https://www.smj24.in/2020/12/blog-post_577.html

সপ্তম খণ্ড পঢ়িবলৈ এই লিংকত ক্লিক কৰক- https://www.smj24.in/2020/12/blog-post_990.html

বিঃদ্ৰঃ Social Media Journalism ফেচবুক গ্ৰুপৰ এগৰাকী সন্মানীয় সদস্য ৰাগ ৰঞ্জনৰ দ্বাৰা গ্ৰুপত প্ৰকাশিত।আপোনালোকেও যদি কোনো লেখা বা গল্প কবিতা,বা-বাতৰি ইত্যাদি আমাৰ ৱেবছাইটত প্ৰকাশ কৰিব বিছাৰে তেন্তে আপোনালোকৰ লেখা সমূহ আমাৰ ফেচবুক গ্ৰুপত প্ৰকাশ কৰিবলৈ নতুবা আমাৰ ফেচবুক পেজ/ SMJ24 ৰ মুখ্য পৰিচালন সঞ্চালক দিব্য জ্যোতি দত্তৰ ফেচবুক পেজৰ ইনবক্সত প্ৰেৰণ কৰিবলৈ আহ্বান জনালো।নিৰ্বাচিত লেখা সমূহ লেখকৰ নাম আৰু ছবি সহ আমাৰ ৱেবছাইটত প্ৰকাশ কৰা হব,ধন্যবাদ।

আমাৰ ফেচবুক গ্ৰুপৰ লিংক - SMJ24.facbookgroup

আমাৰ ফেচবুক পেজৰ লিংক - www.SMJ24.facebook page

দিব্য জ্যোতি দত্তৰ ফেচবুক পেজৰ লিংক - Dibya Jyoti Dutta/Fb page