দুখন প্ৰেম ভৰা হৃদয়ৰ মাজত ধৰ্মৰ প্ৰাচীৰ!

ৰাষ্টাত মানুহে জুমটো দেখি আগুৱাই আহিছিল ফাৰহান ।জুম ফালি সোমাই গৈ সি দেখিছিল তেজেৰে ৰাঙলী হৈ পৰি আছে তাৰ ৰাধিকা । সি চিৎকাৰ কৰিছিল আৰু ৰাধিকাৰ মুৰটো কোলাত তুলি লৈছিল । কঁ‌পা - কঁ‌পা মাতেৰে ৰাধিকাই কৈছিল -

 --  তুমি ইয়ালৈ কিয় আহিলা ফাৰহান ? 

-- মই তোমাক বিছাৰি অহা নাছিলো । মই আহিছিলোঁ‌ তোমাক পাহৰি , জীৱনটো নতুনকৈ আৰম্ভ কৰিবলৈ । 

-- ফাৰহান 

-- কোৱা ৰাধিকা

 ( ৰাধিকাই সেহাই - সেহাই কৈছিল ) 

-- মই বাধ্যত পৰিহে তোমাৰ পৰা আঁ‌তৰি আছিলো । মোৰ হৃদয়ত তুমিয়ে আছা । ফা--ৰ ---- হা ---- ন 

সংজ্ঞাহীন হৈ পৰিছিল ৰাধিকা । ততাতৈয়াকৈ তাইক মেডিকেলত ভৰ্তি কৰোৱা হৈছিল । ডাক্তৰে জনাইছিল

 -- ৰাধিকাক বহুত তেজৰ প্ৰয়োজন হ'ব । তাইৰ ব্ৰেইনৰ এটা অপাৰেচন কৰিব

 লাগিব ।

ফাৰহানে দেউতাকক ফোন কৰি ৰাধিকাৰ দুৰ্ঘটনাৰ খবৰটো জনাইছিল ।

            ফাৰহানৰ দেউতাকৰ জৰিয়তে সুন্দৰপুৰত ৰাধিকাৰ দুৰ্ঘটনাৰ খবৰটো বিয়পি পৰিছিল । তেখেতে সকলোকে উদ্দেশ্য কৰি কৈছিল 

-- ৰাধিকাহঁ‌তৰ এই বিপদৰ সময়ত , আমি হিন্দু - মুছলমান দুভাগ হৈ নিজৰ মাজতে কাজিয়া কৰিয়েই থাকিমনে ? 

 সকলোৱে একেমুখে চিঞঁৰি উঠিছিল 

-- আমি ৰাধিকাৰ ওচৰলৈ যাম । বিপদত পৰা মানুহহালৰ সাহস হৈ কাষত থিয় দিম । 

হিন্দু - মুছলমানৰ বিভেদ পাহৰি সকলো ঢাপলি মেলিছিল হাস্পতাললৈ ......

ৰাধিকাক বহুত তেজৰ প্ৰয়োজন হৈছিল যদিও , কোনো চিন্তা নকৰাকৈয়ে তেজৰ যোগাৰ হৈছিল । সুন্দৰপুৰৰ প্ৰত্যেকজনেই আগবাঢ়ি আহিছিল তাইক তেজ দিবলৈ । তেওঁলোকে আল্লাৰ ওচৰত - ভগৱানৰ ওচৰত প্ৰাৰ্থনা কৰিছিল , ৰাধিকা যাতে সোনকালে সুস্থ হৈ উঠে । 

সুন্দৰপুৰৰ ৰাইজৰ প্ৰাৰ্থনা আৰু ডাক্তৰৰ চেষ্টাত ৰাধিকা লাহে - লাহে সুস্থ হৈ উঠিছিল  । জ্ঞান ঘূৰাই পোৱাই লগে - লগেই তাই অস্ফুট মাতেৰে উচ্চাৰণ কৰিছিল ....... ফা ---- ৰ ----- হা ------ ন .... ফা ----- ৰ ------ হা ----- ন

ৰাধিকাৰ ওচৰলৈ দৌৰি আহিছিল সি । তাইৰ দুচকুৰে বৈ অহা চকুপানী খিনি মচি দি  , তাইৰ হাতখন নিজৰ হাতৰ মুঠিত লৈ তাইক সাহস দিছিল সি ।

              ৰাধিকাক লৈ মাক - দেউতাক সুন্দৰপুৰলৈ উভতি গৈছিল । তেওঁলোকৰ মাজত থকা বিভেদ পাহৰি সকলোৱে পুনৰ বান্ধ খাইছিল সম্প্ৰীতিৰ বান্ধোনেৰে । কিন্তু তেতিয়াও নামঘৰ আৰু মছজিদৰ মাজত বিভেদৰ প্ৰতীক ৰূপে সগৌৰৱেৰে  থিয় হৈ আছিল ওখ দেৱালখন । 

ফাৰহানৰ দেউতাক আব্দুলে ৰাধিকাক কৈছিল 

-- ৰাধিকা 

-- কওক বৰদেউতা ।

-- ফাৰহানৰ এটা ভুলৰ বাবেই আমাৰ সাতামপুৰুষীয়া ঐক্যত ফাট মেলিছিল । 

-- বৰদেউতা ! 

-- সি ভুল কৰিছিল । যাৰ শাস্তি আমি সকলোৱে ভোগ কৰিব লগা হ'ল । 

-- ভুল অকল তাৰেই নাছিল বৰদেউতা । মইও সমানেই দোষী । 

-- হ'ব আই । যি হ'ল হৈ গ'ল ।

-- বৰদেউতা !

 -- তোৰ দুৰ্ঘটনাটোৱে পুনৰ হেৰুৱা ঐক্য ঘূৰাই আনিছে । মই এতিয়াহে শান্তি পাইছো । কচোন ৰাধিকা তই বাৰু এতিয়া কি বিছাৰ ? 

-- নামঘৰ আৰু মছজিদৰ মাজত থকা দেৱাল ভাঙি পেলোৱাটো বিছাৰো ।

             সুন্দৰপুৰৰ সকলো লগ হৈ ভাঙি দিছিল হিন্দু - মুছলমানৰ বিভেদৰ প্ৰাচীৰ । সুন্দৰপুৰৰ আকাশে - বতাহে প্ৰতিধ্বনিত হৈছিল " হিন্দু - মুছলমান ভাই - ভাই " ধ্বনি । 

            ফাৰহান ৰাধিকাৰ কাষ চাপি আহিছিল । তাইৰ চকুত চকু থৈ কৈছিল 

-- ৰাধিকা 

-- ফাৰহান

-- তুমি মোৰ প্ৰাণ ৰাধিকা

-- মই জানো ফানহান ! 

-- ৰাধিকা 

-- ওম

-- তুমি আমাৰ সম্পৰ্কটোৰ শেষ কৰি পেলাবা নেকি ? 

-- ফাৰহান , 

-- কোৱা

-- সম্পৰ্কৰ জানো শেষ আছে  ?

-- ৰাধিকা তুমি ?

-- আমাৰ সম্পৰ্কৰ কেতিয়াও শেষ নহয় 

-- মানে তুমি মোক আকৌ 

-- ওম , মই তোমাক আকৌ আকোৱালি ল'ম । প্ৰেমৰ উদ্ধত আমাৰ সম্পৰ্ক , আজিৰ পৰা মই তোমাৰ ভনী আৰু তুমি মোৰ দাদা ।

-- ৰাধিকা

-- আমাৰ ত্যাগে এখন গাঁৱলৈ শান্তি ঘূৰাই আনিব , ইয়াতকৈ সুখৰ কথা কি হ'ব পাৰে ,  ফাৰহান ।

-- এৰা ৰাধিকা । আজিৰ পৰা আমি ককাই - ভনী । 

 সুন্দৰপুৰে আকৌ হাঁহিছে , মিলনৰ আনন্দত । ৰাধিকাৰ পঢ়া সম্পূৰ্ণ কৰিবৰ বাবে , তাইক লৈ  মাক - দেউতাক গুৱাহাটীলৈ ঘূৰি যাবলৈ সাজু হৈছে । সুন্দৰপুৰত এতিয়া শান্তিৰ বতাহ বলিছে ......

সমাপ্ত

ধাৰাবাহিক খনৰ প্ৰথম খণ্ড - https://www.smj24.in/2021/01/blog-post_24.html

বিঃদ্ৰঃ Social Media Journalism ফেচবুক গ্ৰুপৰ এগৰাকী সন্মানীয় সদস্য ৰাগ ৰঞ্জনৰ দ্বাৰা গ্ৰুপত প্ৰকাশিত।আপোনালোকেও যদি কোনো লেখা বা গল্প কবিতা,বা-বাতৰি ইত্যাদি আমাৰ ৱেবছাইটত প্ৰকাশ কৰিব বিছাৰে তেন্তে আপোনালোকৰ লেখা সমূহ আমাৰ ফেচবুক গ্ৰুপত প্ৰকাশ কৰিবলৈ নতুবা আমাৰ ফেচবুক পেজ/ SMJ24 ৰ মুখ্য পৰিচালন সঞ্চালক দিব্য জ্যোতি দত্তৰ ফেচবুক পেজৰ ইনবক্সত প্ৰেৰণ কৰিবলৈ আহ্বান জনালো।নিৰ্বাচিত লেখা সমূহ লেখকৰ নাম আৰু ছবি সহ আমাৰ ৱেবছাইটত প্ৰকাশ কৰা হব,ধন্যবাদ।

আমাৰ ফেচবুক গ্ৰুপৰ লিংক - SMJ24.facbookgroup

আমাৰ ফেচবুক পেজৰ লিংক - www.SMJ24.facebook page

দিব্য জ্যোতি দত্তৰ ফেচবুক পেজৰ লিংক - Dibya Jyoti Dutta/Fb page