উপঙি ফুৰিছিলোঁ মাথোন একাজলী মৰম বিচাৰি…

 বিষাদৰ হেঙুলি কিৰণে ,

আৱৰি আছিল বুকুৰ বাহিৰে ভিতৰে l

সোণোৱালী সপোনবোৰ 

বিচাৰি হাবাথুৰি খাইছিলোঁ l

আশাবোৰ বিচাৰি ফুৰিছিলোঁ 

সন্মুখেৰে পাৰ হৈ যোৱা 

সময়ৰ প্ৰবাল সোঁতত l 

উপঙি ফুৰিছিলোঁ মাথোন 

একাজলী মৰম বিচাৰি l

অযুত সপোন বুকুত বান্ধি l

ক্ৰমশঃ 

আগুৱাই গৈছিলোঁ ভৱিষ্যতৰ 

মৰহা প্ৰতিটো ক্ষণলৈ l

দুচকুৰ পতাত আশাৰ সপোনবোৰ 

শিল হৈ গোট মাৰিছিল l

সাগৰৰ ঢৌৱে ঠেলি নিয়াৰ 

দৰেই আগুৱাই গৈছিলোঁ 

মোৰ আধৰুৱা জীৱনত l

এই বিষাদ ভৰা জীৱনৰ

যাত্ৰা শেষ হবগৈ বা ক'ত ll

বিঃদ্ৰঃ Social Media Journalism ফেচবুক গ্ৰুপৰ এগৰাকী সন্মানীয় সদস্যা এনিশা শইকীয়া ডেকা দ্বাৰা গ্ৰুপত প্ৰকাশিত।আপোনালোকেও যদি কোনো লেখা বা গল্প কবিতা,বা-বাতৰি ইত্যাদি আমাৰ ৱেবছাইটত প্ৰকাশ কৰিব বিছাৰে তেন্তে আপোনালোকৰ লেখা সমূহ আমাৰ ফেচবুক গ্ৰুপত প্ৰকাশ কৰিবলৈ নতুবা আমাৰ ফেচবুক পেজ/ SMJ24 ৰ মুখ্য পৰিচালন সঞ্চালক দিব্য জ্যোতি দত্তৰ ফেচবুক পেজৰ ইনবক্সত প্ৰেৰণ কৰিবলৈ আহ্বান জনালো।নিৰ্বাচিত লেখা সমূহ লেখকৰ নাম আৰু ছবি সহ আমাৰ ৱেবছাইটত প্ৰকাশ কৰা হব,ধন্যবাদ।

আমাৰ ফেচবুক গ্ৰুপৰ লিংক - SMJ24.facbookgroup

আমাৰ ফেচবুক পেজৰ লিংক - www.SMJ24.facebook page

দিব্য জ্যোতি দত্তৰ ফেচবুক পেজৰ লিংক - Dibya Jyoti Dutta/Fb page