গো-হত্যা নিষিদ্ধৰ লগতে আৰু দুটা দাবী সত্যৰঞ্জনৰ

কৰ্ণাটকৰ ৰাজ্য চৰকাৰে গো-হত্যা নিষিদ্ধ কৰাৰ পিছতেই হিন্দুত্ববাদী নেতা সত্যৰঞ্জন বৰাই এই ক্ষেত্ৰত তৎপৰ হৈ পৰা দেখিবলৈ পোৱা গৈছে।বৰাই অসমত গো-হত্যা সম্পূৰ্ণৰূপে নিষিদ্ধ কৰাৰ দাবী উত্থাপন কৰি অতিশিঘ্ৰেই আমৰণ অনশন কাৰ্য্যসূচী হাতত লব বুলি আজি তেওঁৰ ফেচবুক পেজ যোগে স্পষ্ট কৰিছে।তেওঁ উল্লেখ কৰা মতে তেওঁ উত্থাপন কৰিব মুঠ তিনিটা দাবী। বৰাৰ আন দুটা দাবী হৈছে অসমত গৰুৰ অবৈধ বেপাৰ বন্ধ কৰা আৰু অনতিপলমে ভাৰতত জনসংখ্যা নিয়ন্ত্ৰণ আইন প্ৰণয়ন কৰা।আমৰণ অনশন কাৰ্যসূচীৰ স্থান আৰু তাৰিখ এতেয়ালৈকে ৰাজহুৱা কৰা নাই যদিও এই কাৰ্যসূচীত অংশগ্ৰহণ কৰিব বিছৰা লোক সকলৰ পৰিচয় বিছাৰি আহ্বান জনাইছে সত্যৰঞ্জন বৰাই।এই কাৰ্য্যসূচী তেওঁ কেতিয়া ৰূপায়ণ কৰিব আৰু ইয়াৰ ফলাফল কি হব,সেয়া অনাগত দিনতহে জানিব পৰা যাব।