" ব্ৰহ্মাহৰো ভজন্ত হৰিৰ দুই পাৱে |
মুকুত সকলো সদা ৰাম নাম গাৱে || "
স্বয়ং ব্ৰহ্মা আৰু হৰেও হৰিৰ দুই পদত অবিৰাম ভজনা কৰি আহিছে | আৰু সনক সনন্দ আদি মুক্ত পুৰুষ সকলেও সদায়ে হৰি নাম লৈ আহিছে |
ঈশ্বৰৰ অভেদ মুৰ্ত্তি ব্ৰহ্মা, শিৱইও সদা ঈশ্বৰ কৃষ্ণৰ পদকমলত ভজনা কৰি নিজকে ধন্য কৰিছে | সনক, সনন্দ, সনাতন, সনতকুমাৰ আদি সিদ্ধ সকল, চিৰমুক্ত পুৰুষ | তেৰা সকলেও মুকুতি ৰস পৰিহাৰ কৰি সদা সৰ্বদায়ে কেৱল ৰাম নাম জপ কৰি পৰমানন্দ সুখত মজি আছে | এই মুক্ত পুৰুষ সকলৰ প্ৰকৃততে কোনো সাধন ভজনৰ প্ৰয়োজন নাই, তথাপিতো হৰিনামৰ আনন্দৰস আৰু মহিমাই তেওলোকৰ চিত্ত হৰিৰ চৰণত নিমজাই ৰাখে | এনে দুৰ্লভ হৰি আৰু হৰিনাম ভজনেই কলিকালৰ ভাগ্যৱান জীৱসমূহৰ পৰম ধৰ্ম | কৃষ্ণ কৃষ্ণ....
( নামঘোষা ৰসামৃতৰ পৰা উদ্ধৃত )
সেৱাৰে- পূৰৱী মনি |
No comments:
Post a Comment