বেনাৰখনত লিখা আছিল---“INDIAN ARMY RAPE US”
“We are all Manorama's mothers. Come and rape us.”---এগৰাকীয়ে চিঞৰি চিঞৰি কৈছিল৷ ( Assamese Viral Post )
তাৰিখঃ ১৫ জুলাই, ২০০৪
স্থানঃ আছাম ৰাইফলচৰ মুখ্য কাৰ্যালয়ৰ প্ৰৱেশ দ্বাৰ(কংগ্লা দুৰ্গ)
১২ জনী মনিপুৰী মাকৰ উলংগ প্ৰতিবাদে সেইদিনা আমাৰ মহান ৰাষ্ট্ৰ ব্যৱস্থাৰ প্ৰকৃত স্বৰূপটোক উলংগ কৰি দিছিল৷
১০ জুলাই, ২০০৪ৰ শেষ ৰাতি 17th Assam Riflesএ মনোৰমাক নিজৰ ঘৰৰ ভিতৰৰ পৰা চোতাললৈ উলিয়াই নিছিল৷ সোধপোছৰ সমান্তৰালকৈ তাইৰ ফেনেকখন কঁকালৰ তললৈ খহাই দিছিল৷ পিন্ধি থকা ব্লাউজটো ওপৰলৈ দাঙি ব্লাউজৰ বুটামবোৰ খুলিছিল৷ এইবোৰ ঘৰৰ মানুহৰ সমুখতে হৈছিল৷ আৰু পুৱতি নিশা ঘৰৰ মানুহক এৰেষ্টে মেম’খন দি আৰু No Claims Certificateত চহী কৰোৱাই মনোৰমাক লৈ গৈছিল৷ ১১ তাৰিখে মনোৰমাৰ মৃতদেহটো পোৱা গ’ল৷ Assam Riflesৰ মতে মনোৰমাই তেওঁলোকৰ জিম্মাৰ পৰা পলাবলৈ চেষ্টা কৰাৰ বাবে তেওঁলোকে গুলিয়াবলৈ বাধ্য হয়৷ আৰু মনোৰমাৰ মৃত্যু হয়৷ মনোৰমাৰ যৌনাংগ আৰু যৌনাংগৰ আশেপাশে সৰ্বমুঠ ১৬টা গুলি মৰা হৈছিল৷ তাইৰ শৰীৰত semen traces পোৱা গৈছিল৷
মনোৰমাৰ মৃত শৰীৰটোৰ বীভৎস ৰূপটোৱে ১২ গৰাকী মাকৰ ধৈৰ্যৰ বান্ধ কাটি দিলে৷ তেওঁলোকে Assam Riflesৰ গেটৰ সমুখত উলংগ হৈ দেখুৱাই দিলে যে এই ৰাষ্ট্ৰৰ প্ৰকৃত স্বৰূপ কি!
মণিপুৰ চৰকাৰে গঠন কৰা তদন্ত আয়োগৰ বৈধতাক Assam Riflesএ AFSPAৰ clause 6 invoke কৰি ন্যায়ালয়ত প্ৰত্যাহ্বান জনালে৷ ন্যায়ালয়ে ক’লে যে এই ক্ষেত্ৰত ৰাজ্য চৰকাৰে হস্তক্ষেপ কৰিব নোৱাৰে আৰু বিষয়টো কেন্দ্ৰীয় চৰকাৰৰ তাৎক্ষণিক বিবেচনাৰ বাবে পঠিয়াই দিলে৷ ( Assamese Viral Post )
মনোৰমাৰ পৰিয়ালে দহ লাখ টকা ক্ষতিপূৰণ পালে৷ মনমোহন সিঙে দিল্লীৰ আহি কংগ্লা দুৰ্গ Assam Riflesৰ হাতৰ পৰা মণিপুৰ চৰকাৰক গতাই দিলে৷ Assam Riflesৰ এজন মেজৰে আশোক চক্ৰ পালে৷ এইটোৱেই আমাৰ ৰাষ্ট্ৰ ব্যৱস্থা!
মনোৰমাক মাৰি পেলোৱাৰ বাবে উলংগ প্ৰতিবাদ কৰা মানুহ কেইগৰাকীকো এই ব্যৱস্থাই জেইলত ভৰাইছিল৷ কাৰণ দেখুৱাইছিল---Trying to wage war against the State.
মণিপুৰত আমাৰ এই সোণৰ অসমত দেখা পোৱাৰ দৰে মক্কেলামি, চেলেকামি দেখা পোৱা নগৈছিল৷ কোনেও কোৱা নাছিল যে সেই ১২ গৰাকী মানুহক জেইলত নাৰাখি ক’ত ৰাখিব৷ কিন্তু আমাৰ ইয়াত চেলেকাৰ পৰ্যায় ইমানলৈকে উধাইছে যে ৰাষ্ট্ৰদ্ৰোহ আৰু দেশদ্ৰোহক একাকাৰ কৰি দুটামান বঁটা পিপাসুৱে নিৰন্তৰ বলিয়া কোবাই আন বহুতকো বলিয়া কৰি পেলাইছে৷
(“Whats the use of clothes? You can strip me, but how can you clothe me again? Are you a man?”--- মহেশ্বতা দেৱীৰ গল্প 'দ্ৰৌপদী'ৰ উদ্ধৃতিৰে আৰম্ভ কৰি অনুভা ভোঁচলেই “Indian Army, Rape Us!” শীৰ্ষক এটা তথ্যসমৃদ্ধ প্ৰবন্ধ লিখিছিল৷ প্ৰবন্ধটো তেখেতৰ গ্ৰন্থ “Mother Where Is My Country"ত সন্নিৱিষ্ট কৰা হৈছে৷ মন কৰিবলগীয়া কথাটো হ’ল, শেহতীয়াভাৱে দিল্লী বিশ্ববিদ্যালয়ে 'দ্ৰৌপদী ' শীৰ্ষক গল্পটো পাঠ্যক্ৰমৰ পৰা আঁতৰাই পেলাইছে৷)
( Assamese Viral Post )
পাৰ্থ প্ৰতিম বৰকটকী
উৎস : ফেচবুক
No comments:
Post a Comment