গৰুক কি খুৱালে মা লক্ষ্মীৰ আশীৰ্বাদ লাভ কৰিব পাৰি জানি লওঁক : Religious Studies

হিন্দু ধৰ্মৰ মতে গৰুৰ লালন পালন নিস্বাৰ্থভাৱে যদি কৰা হয়, তেতিয়া ঘৰখনত লক্ষ্মী দেৱীৰ বাস হয়। ( Religious Studies )

অতীজৰে পৰা চলি আহিছে আমি গৰুক কিবা নহয় কিবা খুৱাই চোৱা চিতা কৰো। গৰুক লক্ষ্মীৰ ৰূপ বুলিও মনা যায়। গৰুৰ সেৱা কৰিলে ঘৰখনো সুখেৰে ভৰি পৰা দেখা যায়। যিখন ঘৰত গৰু গাইৰ সেৱা অতি ধুনীয়াকৈ কৰা হয় সেইখন ঘৰত লক্ষ্মী দেৱীৰ কৃপা বিৰাজমান থাকে। আৰু যিখন ঘৰত গৰু চোৱা চিতা কৰাত অৱহেলা কৰে সেইখন ঘৰত বাধা বিঘিনি বেছি হবলৈ ধৰে।

সাধাৰণতে আজিকালি বেছিভাগ লোগ নগৰত থকাৰ পৰা গো পালন কমি আহিছে কিয়নো নগৰত সম্ভৱ নহয়। কিন্ত গৰুক নগৰতো ৰুটি খুৱাব পৰা যায়। কিন্তু কেতিয়াবা গৰুক আহাৰ খোৱাত আমাৰ ভোল হয়। জানো আঁহক কি সেই তিনিবিধ বস্তু যি গৰুৰ কাৰনে অপকাৰী।

গৰুৰ দেহত প্ৰায় সকলো দেৱ দেৱীৰ আবাস থকা বুলি কোৱা যায়। ৰাতিপুৱা যিটো ৰুটি বনোৱা হয়, সেই প্ৰথম ৰুটিতো গৰুক প্ৰতিদিনে ৰাতিপুৱা খুওৱাক। গ্ৰহ ভাল হোৱাৰ সম্ভাৱনা থাকে। মনা যায় যে ৰাতিপুৱাৰ প্ৰথম ৰুটিতো গৰুক খুৱালে দেৱ দেৱীৰ পৰা আৰ্শীবাদ পোৱা যায়। গাইক গুৰুৰ সৈতে তুলনা কৰা হয় মানে গুৰু গ্ৰহ, বৃহস্পতি গ্ৰহৰ সৈতে। সেইকাৰণে গুৰু বাৰ দিনা গৰুক অলপ কেঁচা হালধিৰ সৈতে ৰুটি দিব লাগে।  তেতিয়া গ্ৰহ গতি বেয়া হলেও শান্ত হৈ পৰে। যি মানসিক ভাৱে দুৰ্বল তেওঁ গৰুক ৰুটিৰ সৈতে গুৰ দি খুৱালে সকলো চিন্তাৰ পৰা মুক্ত হব পাৰে, স্বাস্থ্যও ভালে থাকে । যদি আপুনাৰ সকলো গ্ৰহ নক্ষত্ৰ বেয়া তেতিয়াহলে সদায় ৰাতিপুৱা গৰুক ৰুটি খুৱাওক আৰু লাহে লাহে সকলো দোষ আতৰি যাব।

কেতিয়াবা বহুত দিঘলীয়া সময়ৰ অন্ততো শুভ নহয় তেতিয়া আপুনি গৰুক ৰুটি খুৱাওক আৰু গৰুৰ কঁপালত চুই আপুনি মনৰ ইচ্ছা জনাওক, প্ৰণাম কৰক আৰু সেৱা কৰক। এনে কৰিলে আপোনাৰ ইচ্ছা নিশ্চয় পূৰণ হব।

গৰুক কি খুৱাব লাগে সেয়া আপুনি জানিলে, এতিয়া জানো আঁহক গৰুক কি কি খুৱাব নালাগে।

গৰুক আগদিনা থৈ দিয়া ৰুটি খুৱাব নালাগে। এনেকুৱা কৰিলে গৰুৰ অপমান কৰা হয় বুলি মনা যায়। ( Religious Studies )

গেলা গোন্ধোৱা বস্তু গৰুক কেতিয়াও নুখোৱাব। এনে কৰিলে ঘৰলৈ অশান্তিৰ সৃষ্টি হয়। সেইবাবে নিজৰ অভ্যাস সলনি কৰক।

গৰুক সকলোৱে ঘাঁহ খাব দিয়ে। আপুনিও দিব কিন্তু আঁহত পাত নিজে ছিঙি নিদিব। ইয়াৰোপৰি বজাৰৰ পৰা অনা পাচলিৰ থাকি যোৱা বেয়া খিনি গৰুক খাবলৈ নিদিব। আপুনি দিলে খাব কিন্তু তাৰ লগত আপুনি ভাল বস্তু মিলাই খুৱাব।

গৰুক গাখীৰ দিব নালাগে। দৈ গাখীৰ সনা ভাত দিব পাৰে কিন্তু ভাল গাখীৰ বা থাকি যোৱা গাখীৰ কেতিয়াও নিদিব।

গৰুক এই তিনিবিধ বস্তু নুখুৱাব। আগদিনা থৈ দিয়া ৰুটি, বাচি যোৱা বেয়া পাচলি আৰু গাখীৰ।

এইবোৰ বস্তু খুৱালে ঘৰখন দুখীয়া হয়। মা লক্ষ্মীয়ে আপোনাৰ ঘৰত বাস কৰিবলৈ এৰি দিয়ে।

গৰু অমংগল নহয়। আপুনি যদি কৰবাত ঘৰ বনাব খুজিছে সেই ঠাই খিনিত ১৫ দিনৰ কাৰণে গৰু বান্ধিলে সেই ঠাই খিনি পবিত্ৰ হৈ পৰে। এনে ভূ ভাগৰ পৰা অনেক অসুৰী শক্তিৰ নাশ হয় ।

যদি আপুনি কৰবালৈ গৈছে আৰু আপুনাৰ বাটত গৰুয়ে বাধা দিয়ে তেতিয়া তাক বহুত শুভ মনা যায়।যোৱাৰ আগত গৰুৰ দৰ্শন শুভ মনা যায়।

ইয়াৰোপৰি গৰুৰ কাষলৈ যদি আপুনি যায় তেতিয়া জ্বৰ, কাঁহ, পানীলগা ইত্যাদি সৰু-সুৰা বেমাৰ বোৰ বীনা ঔষধৰ সলনি নাশ কৰিব পাৰে।

যদি আপোনাক গৰুয়ে কেতিয়াবা অজানিতে নেজেৰে মাৰিছে তেতিয়া ই এক শুভ লক্ষণ বুলি ভাবিব পাৰে।

পঞ্চগব্য বহু ৰোগৰ ঔষধ। পঞ্চগব্যৰ ভিতৰত পৰে গৰুৰ গাখীৰ, গৰুৰ ঘি, গৰুৰ মূত্ৰ, গৰুৰ গোবৰ আৰু দৈ। ই শৰীৰৰ ৰোগ নিৰোধ কৰি সুস্থ কৰাত সহায় কৰে। এনেকুৱা একো ৰোগ নাই যি পঞ্চগব্যৰ সহায়ত নিৰাময় কৰিব নোৱাৰি।

        আজিকালি গৰুৰ ব্যৱহাৰ ব্যৱসায়ৰ ক্ষেত্ৰত বেছিকৈ দেখা যায়। বেয়া লাগিব পাৰে কিন্তু এইটো সত্য আৰু গৰুক ৰুটি দিলে কেৱল সুখ বিলাসেই নহয় তাৰ উপৰি সহায়ো হয়। যত মানুহৰ নিজে থাকিবলৈ অসুবিধা হয় তাত গৰু পালন কৰিবলৈ হলে বেছিয়ে অসুবিধাত পৰিব। এনেকুৱাত ৰুটি খুৱাওক যাতে সুখ শান্তি বিৰাজমান হয়। জ্ঞানীসকলে কৈ আহিছে যে গৰুক ৰুটি খুৱাব লাগে কিন্তু সময়ৰ লগে লগে গৰুৰ সেৱা সকলোৱে কৰিব নোৱাৰে। যেনেকৈ আমাৰ ভাই ভণ্টী, আত্মীয় কোনোবা দেশৰ বাহিৰত থাকে, তাত গৰু নাপাই। আপুনি গৰুৰ নামত পইচা যোগাৰ কৰি যাব আৰু যেতিয়া নিজৰ দেশলৈ ঘূৰি আহিব।তেতিয়া সেই জমা টকাখিনি ফাৰ্ম বা গৰুহালত দান দিব। নহবা কোনো অনাথ আশ্ৰমত দান কৰি দিব।

ৰামায়ণ কালত সীতা দেৱীয়ে গাই মাতাক এটা অভিশাপ দিছিল যাৰ ফলস্বৰূপে আজি আনে খাই পেলাই দিয়া বস্তু গৰুৰে খায়। বাল্মীকি ৰামায়ণৰ সীতা মা ৰজা দশৰথৰ পিণ্ডদান কৰিব গৈছিল। আপোনালোকে হয়তো জানে ৰজা দশৰথৰ পিণ্ডদান কৰোতে ৰাম, লক্ষ্মণ আৰু সীতা বনবাসলৈ গৈছিল । কিন্তু পিণ্ডদানত ব্যৱহাৰ হোৱা লাগতিয়াল ব্স্তুৰ সন্ধানত ৰাম আৰু লক্ষ্মণ ওলাই গল। ইফালে দুপৰীয়া হবৰ হল তেওঁলোক পিণ্ডদানৰ সামগ্ৰী লৈ নাহিল। পিণ্ডদানৰ সময় উকলি যোৱা দেখি সীতা মা ফাল্গো নদীৰ ওচৰত গল ।কেতেকী ফুল আৰু গাইক সাক্ষী কৰি ৰজা দশৰথৰ পিণ্ডদান কৰিলে। অলপ সময় পিছত ভগৱান ৰাম আৰু তেওঁৰ ভাতৃ লক্ষ্মণ আহি পালে। তেতিয়া সীতাই কলে সময় গৈ থকাৰ বাবে মই পিণ্ডদান কৰি দিলো। ৰামে সীতাক প্ৰমাণ বিচাৰিলে। কিন্তু যেতিয়াই মা সীতাই ফাল্গো নদী, কেতেকী ফুল আৰু গৰুক প্ৰমাণ দিবলৈ কলে তেতিয়া তিনিওয়ে উলোটা উত্তৰ দিলে। তেতিয়া সীতাই ক্ৰোধিত হৈ তিনিওকে অভিশাপ দিলে।

ফাল্গো নদীক কলে, "তোৰ নাম সদায় নদী থাকিব কিন্তু তাত পানী কেতিয়াও নাথাকিব।"

 এইকাৰণেই আজিও ফাল্গো নদী শুকাই থকা দেখা যায়।

গৰুক কলে তোক পূজা কৰিব যদিও মানুহে এৰেহা বস্তুয়ে খাই থাকিব লাগিব আৰু কেতেকী ফুলক অভিশাপ দিলে যে তোক কেতিয়াও পূজা-অৰ্চনাত ব্যৱহাৰ নকৰে। এই কাৰনেই আজিও গৰুৱে আনৰ এৰেহা খাদ্য খাবলৈ পায়।

শাস্ত্ৰৰ মতে গৰুক দেৱ দেৱীৰ ৰূপ মনা যায়। যদি আপুনি পূজা পাঠ কৰিবলৈ কলৈকো যাব নোৱাৰে তেতিয়া হলে গৰুক এটা ৰুটি নিশ্চয় খুৱাওক। যদি আপুনি এনে কৰে তেতিয়া আপুনিও সংসাৰৰ সকলো সুখ লাভ কৰিব পাৰে। আপুনি জীৱনত যি বিচাৰে হেইয়া পাবলৈ সক্ষম হব পাৰিব। ইয়াৰ লগতে আপোনাক নিমখৰ ব্যৱহাৰ আৰু উপযোগিতা জনাও যে নিমখৰ অবিহনে কোনো খাদ্যত সোৱাদ নহয়। শাস্ত্ৰৰ মতে কাৰোবাৰ নিমখ খোৱা মানে বেলেগৰ ধাৰ খুৱা আৰু তাৰ পৰিশোধ কৰিবলৈ হলে আমি প্ৰথম বনোৱা ৰুটি টোত অলপ নিমখ দি বনাই গৰুক খুৱাব লাগে। কিন্তু যিমান পাৰে এনে ৰুটি বগা গৰুক খুৱাওক তেতিয়া তাৰ পৰিনাম বেছি ভাল হয়।

কিন্তু এটা কথা মনত ৰাখিব গৰুক ৰুটি দিয়া সময়ত আপুনি মনত অহংকাৰ নাৰাখিব যে আপুনি বহুত দানী বা মহান।

আপুনি এই উপায়টো কৰাৰ পিছত লাহে লাহে তাৰ ভাল পৰিনাম হোৱা দেখিব।

এনেধৰনৰ আৰু বহু নজনা কথা জানিবলৈ এই লিংকত ক্লিক কৰক - https://www.নজনা তথ্য.in

 ( Religious Studies )

আমাৰ ফেচবুক গ্ৰুপৰ লিংক - SMJ24.facbookgroup।

 নতুবা আমাৰ ফেচবুক পেজ বা SMJ24 ৰ মুখ্য পৰিচালন সঞ্চালক দিব্য জ্যোতি দত্তৰ ফেচবুক পেজৰ ইনবক্সতো গল্প সমূহ প্ৰেৰণ কৰিব পাৰে।

আমাৰ ফেচবুক পেজৰ লিংক - www.SMJ24.facebook page

দিব্য জ্যোতি দত্তৰ ফেচবুক পেজৰ লিংক - Dibya Jyoti Dutta/Fb page

বিঃদ্ৰঃ উক্ত লেখা ইন্টাৰনেটৰ পৰা সংগ্ৰহ কৰা তথ্যৰ ওপৰত আধাৰিত। SMJ24 এ এই তথ্যৰ সত্য সত্যতাৰ দাবী নকৰে। আমাৰ পাঠক সকলৰ মাজৰে বহু সংখ্যকে এই সমূহ বিশ্বাস কৰে আৰু বহু সংখ্যকে অন্ধবিশ্বাস বুলি মানে।গতিকে একাংশ পাঠকৰ ৰুচিৰ প্ৰতি লক্ষ্য ৰাখি লেখাটো আগবঢ়ালো। বিশ্বাস কৰা নকৰাটো সকলোৰে ব্যক্তিগত কথা, ধন্যবাদ।