হিন্দুধৰ্মত মহিলাসকলে শ্মশানলৈ যোৱাটো কিয় বৰ্জিত জানি লওঁক : Religious Studies

হিন্দুধৰ্মত অন্তিম সংস্কাৰৰ লগত জড়িত বহুতো মান্যতা আছে । যাৰ বিষয়ে অধিক সংখ্যক ব্যক্তিয়ে নাজানে । ( Religious Studies )

 

তাৰে ভিতৰত এটা হল যেতিয়া কোনো ব্যক্তিৰ মৃত্যু হয় তেতিয়া পৰিয়ালৰ মহিলাসকলে শ্মশানলৈ যাব নালাগে । হিন্দু পুৰাণত মহিলাসকলক শ্মশানলৈ যোৱাটো বৰ্জিত বুলি কোৱা হৈছে । লগতে কিয় যাব নালাগে সেই বিষয়েও কৈছে । আজিৰ এই লেখাত‌ আপোনাক এইসমূহৰ বিষয়ে জনাম যে মহিলা সকলক কিয় শ্মশানলৈ যোৱাটো বৰ্জিত বুলি কৈছে , যাৰ বৰ্ণনা গৰুড় পুৰাণত কৰা হৈছে । আজিকালি বহুতো ঠাইত মহিলাসকলে শ্মশানলৈ যায় এনেকুৱাত সকলো হিন্দুৰ বাবে এইটো জনাটো আৱশ্যক হৈ পৰে যে পুৰাণত কিয় এইবোৰ বৰ্জিত‌ বুলি কোৱা হৈছে আৰু ইয়াৰ পিছৰ ৰহস্য কি ।

গৰুড় পুৰাণত বৰ্ণিত কথা অনুসৰি মহিলাক পুৰুষৰ তুলনাত দুৰ্বল হৃদয়ৰ বুলি মনা হয় আৰু মনা হয় যে মৃত শৰীৰক অগ্নিদাহ কৰা সময়ত যদি কোনোবাই কান্দে তেতিয়া সেই মৃত ব্যক্তিজনৰ আত্মাটোৱে শান্তি নাপায় । আৰু মহিলাসকলে মৃত শৰীৰ জ্বলাই দিয়া চাই নকন্দাকৈ থকাটো অসম্ভৱ যেন লাগে । সেইবাবে মহিলাসকলক শ্মশানলৈ লৈ যোৱাটো‌ বৰ্জিত‌ বুলি কোৱা হয় । শ্মশান ঘাটত এনে বহুতো বস্তু থাকে যিবোৰ মহিলা আৰু শিশুসকলে চোৱাটো উচিত নহয় । যেনে মৃত শৰীৰটো জ্বলোৱাৰ পূৰ্বে কঁপালত লাখুটিয়ে মাৰে । যিটো এটা পৰম্পৰা হয় । কিন্তু মহিলা আৰু শিশুসকলে এইটো চোৱাটোৱে তেওঁলোকক মানসিক স্তৰৰ পৰা প্ৰভাৱিত কৰিব পাৰে । আৰু বহুত বাৰ শৰীৰটো জ্বলা সময়ত বেলেগ ধৰণৰ মাত দিয়ে যিটোৱে মহিলা আৰু শিশুসকলক ভয় খুৱাব পাৰে । সেইবাবে এই প্ৰক্ৰিয়াটোৰ পৰা তেওঁলোকক দূৰত ৰখাটো উচিত মনা হয় । 

প্ৰত্যেক ধৰ্মৰ নিজৰ নিজৰ সংস্কৃতি আৰু মান্যতা থাকে । আমাৰ হিন্দুধৰ্মত মহিলাক শ্মশানলৈ লৈ নোযোৱাৰো কিছুমান মান্যতা প্ৰচলিত আছে । ( Religious Studies )

গৰুড় পুৰাণত প্ৰচলিত মান্যতাৰ ভিতৰত এইটোও এটা‌ মান্যতা আছে যে মৃত‌ শৰীৰটোক ঘৰৰ পৰা লৈ যোৱাৰ পিছত ঘৰটো ধাৰ্মিক ৰূপত পবিত্ৰ আৰু শুদ্ধ কৰাটো বহুত আৱশ্যক । ইয়াৰ বাবে ঘৰত‌ কোনো ব্যক্তিয়ে থাকি এই কাৰ্যতো বিধিগত ভাৱে কৰাটো অনিবাৰ্য । এই দায়িত্বটো মহিলাসকলে ভালদৰে পালন কৰিব পাৰে । এইটোৱেই ভাবি পুৰুষসকলক শ্মশানলৈ গৈ অগ্নিদাহ কৰাৰ দায়িত্ব প্ৰদান কৰিছে । আৰু দায়িত্বৰ দ্বিতীয় ভাগটো পালন কৰাৰ উত্তৰদায়ী মহিলাসকলক মনা হৈছে । যিটো পুৰুষসকলে শ্মশানৰ পৰা অহা পাছত তেওঁলোকক স্নান কৰাই পবিত্ৰ কৰাৰ কাৰ্য কৰে ।  ইয়াৰ পিছৰ দ্বিতীয় কাৰণ এইটোও যে যেতিয়া শৱ জ্বলোৱা হয় তেতিয়া বাতাবৰণত  কীটানু বিয়পি পৰে । যি শৰীৰৰ কোমল ভাগত লাগি ধৰি বেমাৰৰ কাৰণ হব পাৰে । সেইবাবে এই কীটানুবোৰক ঘৰৰ বাহিৰতে এৰি থৈ আহিবলৈ এনে কৰা হয় । শুদ্ধিৰ পাছতহে ঘৰত‌ প্ৰৱেশৰ অনুমতি দিয়া হয় । যদি এনে কৰা নহয় তেতিয়া ইয়াক অশুভ আৰু নাকাৰাত্মক শক্তিৰ প্ৰৱেশ মনা হয় । 

যদি‌ আপুনি ভূত প্ৰেতৰ আদিত বিশ্বাস কৰে তেতিয়া আপুনি এই কাৰণটো ভালদৰে বুজি পাব । কোৱা হয় যে শ্মশানত বেয়া আত্মাই বাস কৰে ‌। যি পুৰুষৰ সলনি মহিলাৰ ফালে অধিক আকৰ্ষিত হয় আৰু বেছিকৈ কুমাৰী মহিলাৰ ফালে অধিক আকৰ্ষিত হয় । কোৱা হয় যে ভূত প্ৰেতে কুমাৰী মহিলাৰ ওপৰত নিজৰ প্ৰভাৱ পেলায় ‌ । আৰু তেওঁলোকক নিজৰ বশ কৰি তেওঁলোকৰ শৰীৰত প্ৰৱেশ কৰে । ভূত প্ৰেতৰ এই ভয়াবহ প্ৰভাৱৰ বাবে ‌মহিলাসকলক শ্মশানলৈ লৈ যাবলৈ ভয় খায় । 

হিন্দু ধৰ্মৰ সংস্কৃতি অনুসৰি কোৱা হয় যে ঘৰৰ যি সদস্যই শ্মশানলৈ গৈ অন্তিম সংস্কাৰ কৰে তেওঁ নিজৰ মস্তক মুণ্ডন কৰাটো অনিবাৰ্য হৈ পৰে লাগিলে সেইয়া পুৰুষেই হওক বা স্ত্ৰীয়ে হওক তেওঁৰ বাবে এই পৰম্পৰাটো পালন কৰা জৰুৰী । এই পৰম্পৰাক ধ্যানত ৰাখি মহিলাক শ্মশানলৈ যাবলৈ দিয়া নহয় । কিয়নো যিকোনো স্ত্ৰীৰ বাবে নিজৰ মস্তিক সম্পূৰ্ণৰূপে মুণ্ডন কৰাটো সম্ভৱ নহয় । পুৰুষৰ বাবে এইটো কোনো ডাঙৰ সমস্যা নহয় কিন্তু মহিলাৰ বাবে এনেকুৱা কৰাটো হিন্দু ধৰ্মত নিষেধ আছে । এনেকুৱা সকলোৱে নকৰে এনে কৰাটো‌ মানুহৰ মনোবৃত্তিৰ ওপৰত নিৰ্ভৰ কৰে যে তেওঁলোকে কোনটো মান্যতা আৰু পৰম্পৰাক মানি লয় । কিয়নো আজিকালি বহুতো মহিলাই এই পৰম্পৰাক নেওচি শ্মশানলৈ গৈ অন্তিম সংস্কাৰত অংশগ্ৰহণ কৰে । কিন্তু মুণ্ডনৰ পৰম্পৰাক মানি নলয় ।

আপুনিতো শুনিছেই যে আমাৰ সংস্কৃতিয়েই আমাৰ পৰিচয় । সেইবাবে এই সংস্কৃতি আগুৱাই নিয়া আৰু পালন কৰাটো আমাৰ দায়িত্ব হৈ পৰে । নিজৰ সংস্কৃতিক পালন কৰাটো সকলোৰে নিজৰ ইচ্ছাৰ ওপৰত  নিৰ্ভৰ কৰে ।  বহুতে এইবোৰ অন্ধবিশ্বাস বুলি ভাবি আওকাণ কৰে । ধৰ্মত বৰ্ণিত সকলো পৰম্পৰাৰ কোনো আধাৰ নথকা নহয় সকলোৰে নিজৰ এক বিশেষ মহত্ব আছে । 

এনেধৰনৰ আৰু বহু নজনা কথা জানিবলৈ এই লিংকত ক্লিক কৰক - https://www.নজনা তথ্য.in

 ( Religious Studies )

আমাৰ ফেচবুক গ্ৰুপৰ লিংক - SMJ24.facbookgroup।

 নতুবা আমাৰ ফেচবুক পেজ বা SMJ24 ৰ মুখ্য পৰিচালন সঞ্চালক দিব্য জ্যোতি দত্তৰ ফেচবুক পেজৰ ইনবক্সতো গল্প সমূহ প্ৰেৰণ কৰিব পাৰে।

আমাৰ ফেচবুক পেজৰ লিংক - www.SMJ24.facebook page

দিব্য জ্যোতি দত্তৰ ফেচবুক পেজৰ লিংক - Dibya Jyoti Dutta/Fb page

বিঃদ্ৰঃ উক্ত লেখা ইন্টাৰনেটৰ পৰা সংগ্ৰহ কৰা তথ্যৰ ওপৰত আধাৰিত। SMJ24 এ এই তথ্যৰ সত্য সত্যতাৰ দাবী নকৰে। আমাৰ পাঠক সকলৰ মাজৰে বহু সংখ্যকে এই সমূহ বিশ্বাস কৰে আৰু বহু সংখ্যকে অন্ধবিশ্বাস বুলি মানে।গতিকে একাংশ পাঠকৰ ৰুচিৰ প্ৰতি লক্ষ্য ৰাখি লেখাটো আগবঢ়ালো। বিশ্বাস কৰা নকৰাটো সকলোৰে ব্যক্তিগত কথা, ধন্যবাদ।