আধ্যাত্মিক চিন্তা-চৰ্চা।

আধ্যাত্মিক চিন্তা-চৰ্চা
------------------------------

কৃষ্ণ-কৃষ+ণ ৷“কৃষ” শব্দ পৃথিৱী বাচক ৷'ণ’-আনন্দ বুজায়,আনন্দত প্ৰবৰ্ত্তন কৰা ৷এই কৃষ আৰু ণ মিলি পৰমব্ৰহ্ম ৰূপ কৃষ্ণ নাম হৈছে ৷কৃষ্ণ নামে কেৱল আনন্দক বুজায় ৷
     “কৃষ”শব্দ পৃথিৱী তথা প্ৰকৃতি বাচক ৷ইয়াতেই পঞ্চভূতৰ দ্বাৰা স্বেদজ,অণ্ডজ,উদ্ভিদজ,আৰু জৰায়ুজ-চাৰি প্ৰকাৰ প্ৰাণীৰ উৎপত্তি হয় ৷এই জড় পৃথিৱীত জড় দেহৰ মাজত বিৰাজ কৰি আছে 'ণ’ আনন্দৰ বীজ ৷এই আনন্দই সৃষ্টি মূল তত্ব আনন্দৰ পূৰ্ণমূৰ্ত্তি ৷সৃষ্টিৰ উৎপত্তি আৰু লয়ৰ স্থান পৰম ব্ৰহ্ম কৃষ্ণ আনন্দৰ মূৰ্ত্তি ৷পৃথিৱীৰ সকলো জীৱৰ জড় শৰীৰত পৰম ব্ৰহ্ম কৃষ্ণৰ অনন্ত আনন্দ কণা সংযোগ হৈ থকাৰ বাবেই সকলো প্ৰানী চৈতন্যময় হৈ আছে ৷এই চৈতন্যই আনন্দৰ প্ৰকাশ ৷কৃষ্ণ নাম ললে পৰমানন্দ সুখ মিলে ৷এই শিশু কৃষ্ণৰ মুখ গৰ্ভতে যশোদাই সমস্ত জগত দেখা পাইছিল,সেয়ে ঘোষাত কৈছে--“পৰম ব্ৰহ্ম ৰূপ কৃষ্ণ”