কেইটামান মন কৰিবলগীয়া যুক্তাক্ষৰ জানো আহক : Assamese consonants

 

কেইটামান মন কৰিবলগীয়া যুক্তাক্ষৰ ( Assamese consonants )

 

১) স্বৰচিহ্ন যোগৰ ফলত ৰূপৰ পৰিৱৰ্তন হোৱা স্বৰচিনযুক্ত আখৰ:

গ + উ = গু — গুৱাহাটী 

ৰ + উ = ৰু — ৰুগীয়া

শ + উ = শু — শুৱনি

হ + উ = হু — হুদু

ৰ + ঊ = ৰূ — ৰূপ

হ + ঋ = হৃ — হৃদয়

২) ৰূপৰ পৰিৱৰ্তন হোৱা যুক্তাক্ষৰ:

ক্ + ত = ক্ত — ভক্ত 

ক্ + ৰ= ক্ৰ — ক্ৰম

ক্ + স= ক্স— নক্সা

ক্ + ষ= ক্ষ— ক্ষমা

গ্ + ধ  = গ্ধ— দুগ্ধ

জ্ + ঞ = জ্ঞ — জ্ঞাতি

ঞ্ + চ = ঞ্চ — অঞ্চল 

ঞ্ + ছ = ঞ্ছ —বাঞ্ছা

ঞ্ + জ = ঞ্জ — আঞ্জা

ট্ + ট = ট্ট— ঠাট্টা 

ণ্ + ঠ = ণ্ঠ — কণ্ঠ 

ণ্ + ড = ণ্ড — ব্ৰহ্মাণ্ড 

ন্ + থ = ন্থ — মন্থৰ

ত্ + থ = ত্থ — কপিত্থ

( আচলতে, থ্থ—>ত্ থ = ত্থ )

ত্ + ত = ত্ত —উত্তৰ

ত্ + ন = ত্ন — ৰত্ন 

ত‌্ + ৰ = ত্ৰ — ত্ৰাস

ত্ + ৰ + উ = ত্ৰু— ত্ৰুটি/ত্ৰুটী

দ্ + ৰ = দ্ৰ— দ্ৰৱ 

দ্ + ৰ + উ = দ্ৰু— দ্ৰুত 

ধ্ + ৰ + উ= ধ্ৰু— ধ্ৰুৱ

ব্ + ধ = ব্ধ — লব্ধ 

দ্ + ধ = দ্ধ — আবদ্ধ 

( আচলতে, ধ্ধ—> দধ = দ্ধ)

স্ + ক = স্ক — নমস্কাৰ

স্ + খ  = স্খ — স্খলন

স‌্ + প = স্প — স্পৰ্শ 

(অৰ্থাৎ, এনে যুক্তাক্ষৰবোৰত স-টোৰ চেহেৰাটোৰ পৰিৱৰ্তন লক্ষ্যণীয়। ) ( Assamese consonants )

ষ্ + প = ষ্প —পুষ্প

ষ্ + ক = ষ্ক — পৰিষ্কাৰ 

ষ্ + ণ= ষ্ণ — কৃষ্ণ

স্ + ত  = স্ত — স্তৰ 

ষ্ + ট = ষ্ট— কষ্ট 

স্ + থ = স্থ — স্থাৱৰ 

 বহুতেই(স্থ= স্ + হ ) বুলি ভুল কৰে।

হ্ + ন = হ্ন— মধ্যাহ্ন

হ্ + ণ = হ্ণ — অপৰাহ্ণ 

হ্ + ম =হ্ম— ব্ৰহ্মপুত্ৰ 

ক্ষ্ + ণ = ক্ষ্ণ — তীক্ষ্ণ

( কিন্তু, ঘ্ + ন = ঘ্ন )

ক্ষ্ + ম = ক্ষ্ম— যক্ষ্মা

ক্ + ম = ক্ম —ৰুক্ম

( 'ম' যোগ হ'লে যুক্তাক্ষৰটোত ম-টোৰ চেহেৰাটো লক্ষ্যণীয়। )

যদি আপোনাৰ ঘৰত প্ৰাক-প্ৰাথমিক বা প্ৰাথমিক বিদ্যালয়ত পঢ়ি থকা ছাত্ৰ-ছাত্ৰী আছে তেন্তে 'আৰ্ট পেপাৰত' সুন্দৰকৈ দুখন 'চাৰ্ট' তৈয়াৰ কৰি তেওঁলোকৰ পঢ়া টেবুলৰ সমুখত ওলোমাই থ'লে উপকাৰ পাব। স্কুলবোৰতো এই কামটো কৰিব পাৰি।

( বি.দ্ৰ. এই লেখাটিৰ আধাৰ গ্ৰন্থ: অসমীয়া যুক্তাক্ষৰ,

লেখক: কুমুদ বৰা। )